POSTRES DE ENTROIDO: FILLOAS

 No marco das actividades de Entroido, tivemos unha visita moi especial na aula. Antía e Fany viñeron compartir con nós unha tradición moi doce: a elaboración dun postre típico galego destas datas, as filloas.

Entre todos e todas, traballamos a receita paso a paso, coñecendo os ingredientes necesarios e falando da súa importancia. Observamos, mesturamos e aprendemos como se preparan as filloas, prestando moita atención a cada momento do proceso.

Foi unha actividade moi enriquecedora, na que ademais de achegarnos á nosa cultura e tradicións, practicamos a escoita, a participación e o traballo en grupo. Para rematar, puidemos degustar as filloas, que estaban deliciosas.

Agradecemos moito a colaboración das familias e esperamos repetir experiencias tan bonitas como estas.