A monitora medioambiental Electra visitou o noso centro para realizar unha actividade moi especial sobre a reciclaxe e o coidado do planeta. A través de divertidos animais creados con materiais de refugallo, conseguiu captar a atención dos nenos e nenas desde o primeiro momento.
Durante a sesión, o alumnado aprendeu a importancia de reutilizar, reducir residuos e reciclar correctamente, descubrindo que moitos obxectos poden ter unha segunda vida. Ademais, reflexionaron sobre pequenos xestos do día a día que axudan a coidar o medio ambiente, como aforrar auga, non tirar lixo ao chan e separar os residuos.
Así convertímonos en verdadeiros vixiantes medioambientais formando parte da patrulla da RECICLAXE.
No hay comentarios:
Publicar un comentario