CRAvivencia na BiblioCRA📚🦘

 Hoxe tivemos unha Cravivencia na Bibliocra coa escola de Paredes. Fixemos o noso carnet de bibliotecario/a, coñecimos as normas da Bibliocra, prestamos libros, creamos coa profe Uxia e o lápiz 3D e fixemos animais do monte con elementos naturais e de refugallo.

DÍA DE ROSALÍA

 Hoxe para conmemorar o día de Rosalia coñecimos a súa biografía, recitamos e representamos un fragmento dun poema de Cantares gallegos e o bailamos acompañados de xestos.

ROBOPOEMA ✍️🌹

 Con motivo do día de Rosalía, o noso novo amigo Doc propúxonos un reto dificilísimo: crear o noso propio poema buscando palabras que rimasen!

Partindo de palabras significativas do poema de Rosalía traballado (como Rosalía, Moucho e Penedo), o primeiro que fixemos foi escoller a nosa palabra favorita entre as que Doc nos trouxo no panel, programándoo para que fixera o camiño correcto.

Como somos roboexpertos guiámolo xenial e tod@s chegamos á palabra escollida!

Unha vez tiñamos todas as palabras para o noso poema, chegou a parte máis difícil... Atopar as palabras que riman!

Por suposto fixémolo xenial, e decidimos distribuir o noso poema en 3 versos: escollemos que grupo de palabras iría primeiro, a orde das palabras en cada un... Somos uns artistas!

Finalmente escoitamos o noso precioso poema, puxémoslle un título entre tod@s baseándonos no que nos transmitía e ilustrámolo.

Quedounos un poema espectacular 😍 FELIZ DÍAS DE ROSALÍA!