Base helitransportada O Campiño

 Hoxe o noso compi Xabi visitou a Base da Brigada Forestal Helitransportada de O Campiño xunto ao resto de alumnado de 6° de Educación Infantil do CRA.

Alí descubriron o duro traballo que realizan os bombeiros forestais, as ferramentas e vehículos cos que contan para apagar o lume, o traxe especial co que se protexen, e algunhas precaucións que debemos tomar nós ante o lume, moitas cousas que Xabi xa sabía grazas ao papá da nosa Xulia e os seus compis 💚

Ademais puideron subir no camión e facer sonar a alarma, utilizar a mangueira, visitar a "casiña de chocolate" dende onde se recolle toda a información dos incendios, practicar co batelumes.. e probar o que se sente ao estar nos mandos do helicóptero!