Hoxe venres, as nenas e nenos do Cra fixemos unha excursión moi especial: fomos ao Museo Domus e ao Aquarium Finisterrae, en A Coruña. Foi un día cheo de aprendizaxes, risas e moita emoción!
No Museo Domus ou Casa do Home puidemos coñecer como funciona o noso corpo a través de distintas propostas interactivas e sensoriais. Probamos a nosa capacidades de concentración e reacción, xogamos a medir a altura dos nosos saltos e aprendimos sobre a nosa xenética e os sentidos. 🧠
Despois de xantar, fomos ao Aquarium Finisterrae. Alí vimos moitas especies mariñas, como focas, tiburóns, peixes de cores brillantes e cabaliños de mar. Un dos momentos máis emocionantes foi cando vimos as focas Altair, Fermín e Hansy nadar na súa piscina. 🐟
Foi unha excursión que nos permitiu aprender xogando e descubrir moitas cousas novas sobre nós mesmos e o mundo que nos rodea e que debemos coidar.
No hay comentarios:
Publicar un comentario